Ke Tshwanetse go Dira Eng go Bolokwa? — Thuto ya Baebele ya KJV e nang le Dinomoro tsa Strong — Potso ya Baebele

Baroma 5:8 — Mme Modimo o ne wa supa lorato lwa one lo logolo mo go rona ka go romela Keresete go tla go re swela fa re ne re sa ntse re le ________.

Baefesia 1:7 — Jalo he, bopelonomi jwa One bo a penologa mo go rona gonne o ne wa tlosa dibe ________ tsa rona ka madi a Morwaa One, yo re bolokwang ka ene;

Johane 19:34 — Le fa go ntse jalo, mongwe wa masole a tlhaba lotlhakore lwa gagwe ka segai, mme madi le ________ a elela.

Ditiro 2:38 — Mme Petere a fetola a re, “________ mo dibeng, lo boele mo Modimong, lo bo lo kolobediwe boitshwarelo jwa dibe tsa lona mo leineng la ga Jesu Keresete; mme ke gone le lona lo tlaa amogelang neo e ya Mowa o o Boitshepo.

Ditiro 3:19 — Ke gone sokololelang ditlhaloganyo le megopolo ya lona kwa Modimong, lo sokologele kwa go one gore o tlose maleo a lona o bo o lo leretse ________ ya boitumelo jo bo tswang kwa Moreneng

Luke 13:3 — Ga go a nna jalo! A ga lo lemoge gore le lona lo tlaa nyelela fa lo sa tlogele ditsela tsa lona tse di bosula lwa ________ mo Modimong?

Bakorintha II 7:10 — Gonne ka dinako tse dingwe Modimo o dirisa bofutsana mo matshelong a rona go re thusa go ikwatlhaela sebe le go batla botshelo jo bosakhutleng. Re se ka ra utlwa botlhoko ka go bo romela ga one. Mme bohutsana jwa motho yo o seng Mokeresete ga se bohutsana jwa boikwatlhao jwa boammaaruri ebile ga bo kake jwa kganela ________ lo lo sa khutleng.

Ditiro 22:16 — Mme jaanong o diegelang? Tsamaya o ye go ________, o bo o tlhatswiwe mo dibeng tsa gago, o bitse leina la Morena.’

Baroma 6:4 — Nonofo ya tlholego ya lona e kgologolo e e ratang go leofa e tsentswe le ene mo phupung ka kolobetso fa a a swa, mme erile fa Modimo Rara, ka nonofo e e galalelang o mo rudisa, lo ne lwa neelwa botshelo jwa gagwe jo ________ jo bosha go itumela ka jone.

Bakolosa 2:12 — Gonne mo ________ lo bona ka fa tlholego ya lona e kgologolo e e bosula e suleng nae ka teng le ka fa e neng ya fitlhwa nae ka teng; mme jalo lo ne lwa tsoga mo losong nae lwa tsogela mo botshelong jo bosha gonne lo ne lo ikanya Lefoko la Modimo o mogolo o o tsositseng Keresete mo baswing.

Petere I 3:21 — (Seo, ke se kolobetso e se re supegetsang: Mo kolobetsong re supa gore re bolokilwe mo losong le mo tshekisong ka ________ ya ga Keresete; e seng gore mebele ya rona e tlhatswiwe ka metse fela, mme eleng gore mo go kolobediweng, re boela mo Modimong re o kopa go tlhatswa dipelo tsa rona mo sebeng).

Mareko 16:16 — Ba ba dumelang ba bo ba ________ ba tlaa bolokwa. Mme ba ba ganang go dumela ba tlaa sekisiwa.

Johane 3:5 — Mme Jesu a fetola a re, “Se ke se go bolelelang ka tlhoafalo ke se: kwa ntle ga gore motho a tsalwe ka ________ le ka mowa ga a ka ke a tsena mo Bogosing jwa Modimo.

Bagalatia 3:27 — ebile rona ba re kolobeditsweng go nna selo se le sengwe le Keresete, re mo ________.

Tito 3:5 — mme o ne a re boloka, e seng ka ntlha ya gore re ne re siametse go bolokwa, mme e leng ka ntlha ya ________ jwa gagwe le kutlwelo-botlhoko, ka go tlhatswa dibe tsa rona le go re naya boitumelo jo bosha jwa Mowa O O Boitshepo o o nnang mo go rona

Baroma 8:9 — Mme lona ga lo a nna jalo. Lo laolwa ke tlholego ya lona e ncha fa mowa wa Modimo o nna mo go lona. (Mme gakologelwang gore le fa e le mang yo o senang Mowa wa ga Keresete, ga se Mokeresete ________).

Baefesia 1:13 — Mme ka ntlha ya se Keresete o se dirileng, le lona lotlhe ba bangwe, ba lo utlwileng Mafoko a a Molemo a ka fa lo ka bolokwang ka teng, lwa ba lwa ________ Keresete, lo ne lwa tshwaiwa ke Mowa O O Boitshepo gore lo ba ga Keresete, o e rileng bogologolo ra o solofediwa rotlhe rona Bakeresete.

Johane I 1:9 — Mme fa re ipolela dibe tsa rona mo go One, o ka ikanngwa go re itshwarela le go re ________ mo tshiamololong nngwe le nngwe. (Ebile go tshwanetse Modimo sentle thata go re direla jaana gonne Keresete o swetse go tlosa dibe tsa rona).

Johane 15:4 — Elang tlhoko gore lo nne mo go nna, le nna ke nne mo go lona. Gonne ga e kake ya re ________ e kgaotswe mo mofineng ya ungwa, le lona ga lo kake lwa ungwa kwa ntle ga me.

Mathaio 24:13 — Mme ba ba itshokang go ya bokhutlong ba tlaa ________.

Tshenolo 2:10 — Lesa go boifa se o tlaa tlogang o se bogela, gonne Satane o tlaa akofa a latlhela bangwe ba lona mo kgolegelong go lo leka. O tlaa lo bogisa selekanyo sa ‘malatsi a le lesome’ Ikanyege le fa o lebaganye le loso, mme ke tlaa go naya ________ sa botshelo, bokamoso jo bo galalelang jo bo sa khutleng.

Johane I 2:1 — Bananyana ba me, ke lo bolelela selo se gore lo tle lo ikgaphe mo boleong. Mme fa lo leofa, go na le mongwe go lo rapelela mo go Rara. Leina la gagwe ke Jesu Keresete, ene yo e leng mosiami ebile a itumedisa Modimo ka ________.

Bahebera 7:25 — O nonofile go bolokela ruri botlhe ba ba tlang kwa Modimong ka ene. Ka a tlaa tshelela ruri, o tlaa nna teng ka malatsi otlhe go ________ Modimo gore o dueletse dibe tsa bone ka madi a gagwe.

Bagalatia 1:8 — A diphutso tsa Modimo di wele le fa e le mang, le nna tota, yo o ka rerang ka tsela nngwe fela ya go ________ go na le e re lo boleletseng ka ga yone; ee, fa moengele a tswa legodimong a bo a rera molaetsa mongwe fela, a phutso ya Modimo e mo wele.